Durante estas últimas semanas tivemos a oportunidade de participar nos obradoiros «Creando e Sentindo», unha experiencia na que aprendemos, compartimos e reflexionamos sobre a afectividade, a sexualidade, a igualdade e as relacións saudables.Foron catro xornadas moi enriquecedoras nas que as persoas participantes puideron expresar as súas ideas, compartir vivencias e seguir adquirindo ferramentas para o seu desenvolvemento persoal, sempre nun ambiente de confianza, respecto e participación.
Queremos agradecer á Área de Igualdade da Deputación da Coruña por impulsar o Circuíto en Igualdade, unha iniciativa que fai posible levar aos centros actividades tan necesarias e enriquecedoras como esta.
Seguimos apostando por crear espazos onde todas as persoas poidan aprender, participar e medrar en igualdade.